Nahimong malampuson nausab ang bag-ohay lamang nahuman na ‘Klarex nga Serbisyo sa Baryo’ (KSB) uban ang City College of Cagayan de Oro-Technical Skills and Technology Institute diin gidalit niini ang mga serbisyo nga gitanyag sa maong eskwelahan sa Pigsag-an Elementary School, Pigsag-an, Cagayan de Oro City, Sabado, Abril 20, 2024.
Sa maong serbisyo, adunay 25 ka mga residente sa maong barangay ang nakakat-on sa pag-welding diin adunay lecture ug skills demonstration ubos sa qualification na Shielded Metal Arc Welding (SMAW) NCII uban ni Community-Based Trainer (CBT) Mr. Brian Largo ang natigayon. Subay niini nakadawat usab ang maong mga partisipante sa hinterland na barangay sa certificate of achievement sa musunod na mga learning outcomes: Performing safe handling of tools, equipment and materials ug Depositing weld beads on plate.
Ang maong flagship one-stop shop community outreach program ubos sa administrasyon ni Mayor Klarex Uy kay pagadal-on nausab sa Brgy. Puerto, Cagayan de Oro diin ang City College of Cagayan de Oro-TSTI mohatag nausab sa maong serbisyo karong Sabado, Abril 27, 2024.