Niadtong Marso 8, 2024, gipahigayon sa Nahilaran Tribal Hall sa Dansolihon, Cagayan de Oro, kauban ang mga datu nga gi panguluhan ni Datu Roberto Cabaring sa Nahilaran IPS, Dr. Jestoni P. Babia nga Presidente sa City College, ug uban sa duha ka representante sa NCIP nga sila Leah Ibarra ug Bernie Sabate.
Sa maong konsultasyon nga gipangunahan sa City College, na lambigit ang mahinungdanon nga panaghiusa alang sa pag apil sa Indigenous Knowledge Systems and Practices (IKSP) sa IP Education syllabus nga base sa CHED recommendation sa pagsugod pagtukod sa City College. Gipadangat usab ang giya sa Free and Prior Informed Consent (FPIC) aron sa hapsay ug makatarunganong pagpalambo sa maong serbisyo ug alang sa pagtuman sa pangandoy nga gi tinguha na ma-edukar ang mga kaliwatan sa Nahilaran ug sa mga gustong mo eskwela sa City College pinaagi sa paghatag sa gobyerno sa batakang serbisyo sa kabahin sa edukasyon.