Housekeeping NCII Scholars, Gideklarang Kampeon!

2024 𝘉𝘦𝘥 𝘚𝘦𝘵-𝘶𝘱 𝘌𝘹𝘩𝘪𝘣𝘪𝘵𝘪𝘰𝘯 Gipasigarbo sa City College of CDO ang 3rd quarter Housekeeping iskolar-trainees nga sila Mr. Rodel Rollo Jr. ug Ms. Cedric Mae Mangubat nga giilang kampeon sa gipahigayon nga Bed Set-up Eksibisyon sa katapusang adlaw sa Kahigayonan Expo and Job Fair niadtong Agosto 14, 2024, Miyerkules, sa Activity Center, Ayala Malls Centrio, Cagayan de Oro City.

Ang eksibisyon gisalmutan sa unom (6) ka lain-laing institusyon ning atong siyudad, diin ang Vineyard Polytechnic College nakakuha as 1st Placer ug 2nd Placer usab ang Northern Mindanao Technological Institute. Mapasalamaton usab ang City College of CDO ug tanang komite sa Kahigayonan 2024, nga gipangulohan sa Out-of-School Youth Development Alliance (OSYDA) kauban ang Oro Youth Development Office (OYDO), sa Seda Centrio ug Hotel 801 sa ilang suporta isip mga panguna nga esponsors sa maong kalihokan.

Sa City College of Cagayan de Oro, dili lang technical skills ang ginahatag, apan gihingusgan usab sa mga magtutudlo ang paghatag og mga oportunidad sa mga iskolar-trainees pinaagi sa pag-apil og mga aktibidad nga makapalambu sa ilang kahibalo ug kahanas sa napiling kwalipikasyon.